Жаңалықтар

30.11.2017
Кең таралған 10 мемлекеттік қызмет

Қазіргі таңда «Азаматтарға арналған үкімет» мемлекеттік корпорациясының фронт-офистері мен бэк-офистері арқылы барлық мемлекеттік қызметтердің 83% көрсетіледі. Олардың қайсысы жоғары сұранысқа ие?
22.11.2017
Электрондық цифрлық қолтаңбаны қалай пайдаланамыз!

Алғалықтарды электрондық цифрлық қолтаңбаны пайдалануға және мемлекеттік қызметтерді электрондық форматта алуға оқытуда.
21.11.2017
ХАБАРЛАНДЫРУ!!!

Құрметті Алға қаласының тұрғындары. Ағымдағы жылдың желтоқсан айының 18 жұлдызында, сағат 15-00де Алға индустриалдық-техникалық колледжінде, Алға қаласының атаусыз көшелеріне атау беру туралы қоғамдық жиналыс өткізілетіндігін хабарлаймыз.
21.11.2017
«Латын әліпбиіне көшудің маңызы»

Алға аудандық мәдениет және тілдерді дамыту бөлімінің ұйымдастыруымен І.Мәмбетов атындағы балалар кітапханасында қазіргі уақытта өзекті мәселелердің біріне айналған латын әліпбиіне көшу турасында «Латын әліпбиіне көшудің маңызы» атты диалогты алаң өткізілді. Шараны өткізудегі басты мақсат ұлт көшбасшысы «Тіл туралы жауапкершілігі жоғары саясат біздің қоғамымызды одан әрі ұйыстыра түсетін басшы фактор болуы тиіс... Диалогты алаңға мәдениет және тілдерді дамыту бөлімінің басшысы А.Ажигулов, жергілікті «Жұлдыз-Звезда» газетінің бас редакторы Ж.Қонжарұлы, Алға аудандық өнер мектебінің ұстазы, зейнеткер А.Көздібаев, аудандық емхананың салауатты өмір салтын сақтау бөлімінің бас маманы Т.Сәтен, Алға аудандық орталық мешітінің наиб имамы Ж.Жарылғасынұлы және Алға аудандық орталықтандырылған кітапхана жүйесінің қызметкерлері тұрақты оқырмандар қатысып, өз ойларымен бөлісті. Шара барысында латын әліпбиіне көшу туралы көптеген деректер айтылды және латын әліпбиіне көшу бізге не үшін керек? Бұл латын әліпбиіне көшу төңірегіндегі үлкен процестерге біз дайынбызба? Ол туралы қандай жұмыстар жасалуда? т.б. сұрақтар қойылған болатын, сұрақтарға жауап беру барысында көптеген мәліметтер айтылып әртүрлі пікірлер тыңдалды, шараға қатысқан оқушыларда латын әлібиіне көшу туралы өздерінің пікірлерімен бөлісті. Сонымен қатар кітапханамыздың меңгерушісі А.Изтлеуова «Бұл – заман талабы» атты көрмеге шолу жасады.
18.11.2017
Ауылдық әкімдіктерде «Электронды қызмет алу бұрыштары» жұмыс жасай бастады.

Мемлекеттік қызметтерді көрсету сапасын жақсарту, сондай ақ, электрондық форматта қызметтерді алушылардың санын көбейту мақсатында Алға аудандық әкімдігімен Ақтөбе облысы бойынша «Азаматтарға арналған үкімет» мемлекеттік коропорациясы КЕАҚ Алға аудандық бөлімшесімен бірлескен жоспар құрылып, халыққа электрондық цифрлық қолтаңба алу және оның көмегімен қызметтерді электронды түрде алудың маңыздылығы туралы түсіндіру іс-шаралары жүргізілуде. Осы орайда, 4- тоқсанда ауданның ауылдық округтерінде, денсаулық сақтау саласы, білім мекемелерінде оқыту семинарлары өтуде.
Өткен аптада Бестамақ ауылының тұрғындарынмен кездесу өткізіліп, халыққа электрондық сандық қолтаңбаны қолдана отырып электрондық қызметтерді алу бойынша бейнеролик көрсетіліп, практикалық сабақ өтті.
Электрондық цифрлық қолтаңбаның қызметін «Азамттарға арналған үкімет» мемлекеттік корпорациясына (ХҚКО) бармай ақ онлайн режимде ұзартуға болады. Мұндай қызмет ҚР Ұлттық куәландырушы орталығының (ҚР ҰКО) www.pki.gov.kz сайтында қолжетімді. ЭЦҚ кілтін оның жұмыс жасау мерзімі аяқталғанға дейін ғана создыруға болатынын айта кеткен жөн. Егер де қолтаңбаның мерзімі аяқталған болса онда пайдаланушыларға цифрлық қолтаңбаны қайтадан алу үшін ХҚКО-на баруға тура келеді.
Осы орайда, Бестамақ және Маржанбұлақ ауылдық округтеріндегі әкімдіктердің ғимараттарында тұрғындарға арналған өзін-өзі қамту (зона самообслуживания), яғни мемлекеттік көрсетілетін қызметтерді электронды түрде алу бұрышы жасақталды. Бұрышта интернет желісіне қосылған компьютер қойылған және келушілерге әкімдіктің мамандары «Электрондық үкімет» веб-порталымен жұмыс жасаудың қыр-сырын үйретеді.
17.11.2017
Бестамақ ауылында «Туған жер» бағдарламасы аясында экспедицияға шақты

17.11.2017ж Ақтөбе облысы Қазақстан халқы Ассамблеясының ұйымдастыруымен Ақтөбе облысы Алға ауданы Бестамақ ауылында «Туған жер» бағдарламасы аясында экспедицияға шақты. Аталған іс-шараға Қазақстан халқы Ассамблеясы хатшылығының меңгерушісі Н.Барбосынов, Ақтөбе облысы Қазақстан халқы Ассамблеясы ақсақалдар Кеңесінің төрағасы Е.Құрманбек, «Азербайжандардың ҚБ ассоциациясы» Ақтөбе қаласындағы Республикалық филиалының төрағасы Ш.Джамалов, Алға ауданы әкімінің орынбасары Ә.Қонжар қатысты.
Кездесу барысында шараға қатысушылар Есет Батыр Көкіұлы ескерткішіне гүл шоқтарын қойып,батырдың мәйтінде құран оқылды. Ескерткіш басында делегация атынан Қазақстан халқы Ассамблеясы ақсақалдар кеңесінің төрағасы Е.Құрманбек сөз сөйледі.
Бестамақ ауылының жергілікті тұрғындарына бірлік пен ұлтаралық келісім, «Рухани жаңғыру» бағдарламасы және қазақ тілінен латын әліпбиіне көшу туралы толық ақпарат берді.
Кездесу соңында делегация мүшелері ауыл кітапханасына әкелген кітаптарды сыйға тартып, шығармашылық топ концерттік бағдарламасын ұсынды.
16.11.2017
Жылу беру маусымындағы өрт қауіпсіздігі!

Жылу беру маусымындағы өрт қауіпсіздігі! 2017-2018 жылу беру маусымы кезеңінде адамдардың қаза болуы мен жарақаттануына жол бермеу мақсатында 2017 жылдың 15 қазанынан бастап Алға ауданының аумағында өрт қауіпсіздігін ескерту жəне алдын алу үшін үгіт насихат жұмыстары жүргізілуде.
15.11.2017
Электрондық цифрлық қолтаңбаны қалай пайдаланамыз!

Алғалықтарды электрондық цифрлық қолтаңбаны пайдалануға және мемлекеттік қызметтерді электрондық форматта алуға оқытуда. Мемлекеттік қызметтерді көрсету сапасын жақсарту, сондай ақ, электрондық форматта қызметтерді алушылардың санын көбейту мақсатында Алға аудандық әкімдігімен Ақтөбе облысы бойынша «Азаматтарға арналған үкімет» мемлекеттік коропорациясы КЕАҚ Алға аудандық бөлімшесімен бірлескен жоспар құрып, халыққа электрондық цифрлық қолтаңба алу маңыздылығы туралы түсіндіру іс-шаралары жүргізілуде. Осы орайда, 4- тоқсанда ауданның ауылдық округтерінде, денсаулық сақтау саласы, білім мекемелерінде оқыту семинарлары өтеді. Аудан әкімдігі мен халыққа қызмет көрсету орталығының қызметкерлерімен аудандық аурухана ұжымымен кездесу өткізді, онда электрондық цифрлық қолтаңбаны алуды түсіндіріп, қолтаңбаны қолдана отырып электрондық қызметтерді алу бойынша іс жүзінде көрсетіліп, брошюра таратылды.
11.11.2017
Есет Батыр Көкіұлы 350 жылдығын кең көлемде атап өтілді

Бестамақ ауылдық округінде Есет Батыр Көкіұлы бабамыздың 350 жылдығы кең көлемде атап өтілді. Республикалық деңгейде өткен шараға Қазақстанның барлық аймақтарынан елге танымал азаматтары мен Есет батыр Көкұлының ұрпағы, композитор жазушы Илья Жақанов арнайы шақыртылып, игі шара аясында Ақтөбе облысының әкімі Б.Сапарбаев Бестамақ ауылдық мәдениет үйін ресми түрде ашты. Сонымен қатар мерейтой барысында казақтың түрлі ұлттық ойындары ойнатылып, жеңімпаздарға облыс әкімінің қолынан бағалы сыйлықтар тапсырылды. Шара аясында Есет батыр бабамыздың кұрметіне арналған ескерткіштің салтанатты ашылуы өтіп, ас берілді. Мерейтой соңы Ақтөбе облысының өнерпаздарының қатысуымен ұйымдастырылған гала концертке ұласты.
10.11.2017
Азаматтарға арналған үкіметте ХҚКО қызметін жетілдіру мәселелері бойынша кеңес өткізілді

09.11.2017
5 сұрақ қазан

1. Ерікті зейнетақы жарналарын кім және қашан ала алады? «Қазақстан Республикасында зейнетақымен қамсыздандыру туралы» ҚР Заңының 33-бабына сәйкес Бірыңғай жинақтаушы зейнетақы қорында зейнетақы жинақтары бар
1) елу жасқа толған;
2) мүгедек болып табылатын;
3) Қазақстан Республикасының шегінен тысқары жерлерге тұрақты тұруға кететiн немесе кеткен шетелдіктер мен азаматтығы жоқ адамдар, Қазақстан Республикасының заңнамасында айқындалған, кету ниетiн немесе фактiсiн растайтын құжаттарды ұсынған адамдар ерiктi зейнетақы жарналары есебiнен зейнетақы төлемдерiн алуға құқылы.
Қазақстан Республикасының заңнамасына сәйкес, құжаттар топтамасы ұсынылған соң БЖЗҚ белгіленген мерзімде зейнетақы жинақтарын төлеуді жүзеге асырады (ерікті зейнетақы жарналарын есепке алу бойынша ережеге сәйкес 10 жұмыс күні белгіленген, бірақ іс жүзінде бұл бар болғаны 3-4 күнді алады).
Қажетті құжаттардың маңызды тізбесі, оларды БЖЗҚ-ға ұсыну тәсіліне қарай (Қорға өзі келгенде/пошта байланысы/үшінші тұлға арқылы жүгінгенде), сондай-ақ төлем валютасының түріне қарай өтініш бланкілері мен оларды толтыру үлгілері, сенімхат үлгілері www.enpf.kz мекенжайы бойынша БЖЗҚ веб-сайтында орналастырылған.
БЖЗҚ кеңсесіне өзі келгенде алушының жеке басын куәландыратын құжаттың көшірмесі мен салыстырып тексеру үшін түпнұсқасы және алушының банктік шоты туралы мәліметтер қажет.
Сенім білдірілген тұлға немесе қамқоршы арқылы жүгінгенде:
1) алушының жеке басын куәландыратын құжаттың нотариат куәландырған көшірмесі;
2) нотариат куәландырған сенімхат немесе оның нотариат куәландырған көшірмесі/заңды өкілдің куәлігі/заңды өкілді тағайындау туралы анықтама;
3) сенім білдірілген тұлғаның/заңды өкілдің жеке басын куәландыратын құжаттың көшірмесі және салыстырып тексеру үшін түпнұсқасы;
4) алушының банктік шоты туралы мәліметтер.
Пошта байланысы арқылы жүгінгенде: БЖЗҚ белгіленген нысандағы алушы өздігінен толтыратын зейнетақы төлемдерін тағайындау туралы өтініш (өтініш бланкісінің өзекті нысаны - №3 қосымша, БЖЗҚ web-сайтында орналастырылған), бұл ретте алушының зейнетақы төлемін тағайындау туралы өтініштегі қолын нотариат куәландырады (егер нотариаттық куәландыру тұрғылықты мемлекетте жасалса);
2) алушының жеке басын куәландыратын құжаттың нотариат куәландырған көшірмесі;
3) БЖЗҚ белгіленген нысанға сәйкес зейнетақы төлемдерін жасау тәртібі мен талаптары туралы қосымша келісімді алушының өзі 2 нұсқада толтырады және қол қояды (келісім бланкісінің өзекті нысаны «БЖЗҚ» АҚ web-сайтында орналастырылған);
4) алушының банктік шоты туралы мәлімет.
Ерiктi зейнетақы жарналарының мөлшерлемесі, сондай-ақ зейнетақы төлемдерiн төлеу тәртiбi ерiктi зейнетақы жарналары есебiнен зейнетақымен қамсыздандыру туралы шарт тараптарының келiсуi бойынша белгiленедi.
03.11.2017
Аудандық жұмыспен қамту және әлеуметтік бағдарламалар бөлімі бойынша сыбайлас жемқорлықтың алдын алу мақсатында атқарылған жұмыстар туралы ақпарат.

Аудандық жұмыспен қамту бөлімі 2017 жылдың 16 қаңтарында сыбайлас жемқорлыққа қарсы іс-қимыл жөніндегі іс-шаралар жоспарын қабылдады.
Қабылданған іс-шаралар жоспары бойынша:
2017 жылдың 13 наурызында бөлім қызметшілерінің қатысуымен «Сыбайлас жемқорлықпен күрес – бәріміздің міндетіміз» тақырыбында дөңгелек үстел отырысы өткізіліп келесі шешім қабылданды: мемлекеттік органда сыбайлас жемқорлық көріністерін жасауға ықпал ететін жағдайлар мен себептерге жол бермеу. Сыбайлас жемқолыққа қарсы іс-қимыл бойынша жұмыстарды жаңдандыру.
2017 жылдың 5 маусымында қызметші
24.10.2017
«Ашық есік» күні өткізілді

Қызмет көрсету сапасын арттырудағы маңызды мәселелердің бірі — халықтың мемлекеттік көрсетілетін қызметтер саласындағы хабардарлығын және құқықтық сауаттылығын арттыру, мемлекеттік органдар жұмыстарының халықпен кері байланысын қамтамасыз ету мақсатында ағымдағы жылғы 20- қазанда ауданның мемлекеттік қызмет көрсетуші жергілікті атқарушы органдарының өкілдерімен аудандық ХҚКО ғимаратында «Халыққа сапалы қызмет көрсету» тақырыбында «Ашық есік» күні өткізілді.
Аталмыш шараның өткізілетін орны, тақырыбы, уақыты көрсетілген хабарландырулар алдын –ала халық көп жиналатын жерлерде ілінді, қаланың орталық көшелерінде орналасқан «жүгіртпе жолдан» берілді және аудан әкімінің ресми сайтында жарияланды, сонымен қатар аудан бойынша барлық әлеуметтік желілеріне шығарылды.
20.10.2017
ХАБАРЛАНДЫРУ

Қарақұдық ауылдық округі бойынша жергілікті қоғамдастық мүшелері мен Тікқайын ауылының тұрғындарының назарына!
 2017 жылдың 20 қараша күні сағат 15:00-де Тікқайын ауылының Негізгі  мектебінде  жергілікті қоғамдастық жиналысы өтеді.
Күн тәртібіндегі мәселе: «Тікқайын ауылының моральдік ескірген Советская көшесіне жаңадан атау беру» туралы.t
10.10.2017
Алға ауданының тұрғындарының назарына!!!

Ағымдағы жылғы 20 қазанда сағат 10-00 -де Алға қаласы, Айымбаев көшесі, 23-1 ХҚКО ғимаратында «Халыққа сапалы мемлекеттік қызмет көрсету» тақырыбында «Ашық есік» күні өткізіледі.
Аудан тұрғындарын көрсетілген мекенжайға келіп, жергілікті атқарушы органдарында көрсетілетін қызмет түрлерін алу бойынша сұрақтарға жауап алуға шақырамыз.

Беттер