Жаңалықтар

12.05.2018
Дәстүрлі «5 сұрақ» айдарын жалғастыра отырып, оқырман назарына келесі ақпараттарды ұсынамыз.

1. Зейнетақы шотынан үзінді-көшірмені салымшылар мен алушыларға жылына бір рет конвертпен жіберудің не қажеті бар? Мүмкін жаппай электрондық хабарлау тәсіліне ауысатын уақыт келген шығар?
Цифрландыру үдерісі қазақстандықтардың өмірінің барлық саласын қамтитыны сөзсіз. БЖЗҚ бұл мәселеге ерекше көңіл бөледі. 2017 жылы ақпарат алудың электрондық тәсілі таңдалған жеке зейнетақы шоттарының саны 2016 жылмен салыстырғанда 1,9 млн бірлікке немесе 66 пайызға артты. Сөйтіп, 2018 жылдың 1 қаңтарына қарай шамамен 4,7 млн бірлікті құрады. Нақты айтар болсақ, шамамен 0,8 млн адам үзінді-көшірмені электрондық мекенжайға алатын болса, 3,9 млн адам ақпаратты Қор сайты немесе әр түрлі операциялық жүйелерде жұмыс істейтін смартфондар мен планшеттерге арналған «ENPF» ұялы қосымшасы арқылы алу мүмкіндігіне ие болды. Бір жыл ішінде ұялы қосымшаны жүктеп алу саны 2,4 есеге артып, 1,2 млн бірлікті құрады.
10.05.2018
Кәсіпкерлерге қатысты «бір өтініш» қағидаты іске қосылды

Қазақстанда бизнесті www.egov.kz арқылы жылдам әрі оңай ашуға болады. Электрондық үкімет порталында кәсіпкерлердің игілігі үшін «Банктік шот ашуды және қызметкерді еңбек (қызметтік) міндеттерін атқарған кезінде жазатайым жағдайлардан міндетті сақтандыруды ескере отырып, заңды тұлғаны тіркеу» композиттік қызметі іске қосылды. Енді жеке ісін ашқысы келетін азаматтар үш қызметті бірден ала алады: заңды тұлғаны тіркеу, банктік шот ашу және сақтандыру туралы келісім-шарт жасау. Бұл мемлекеттік қызмет көрсету барысында «бір өтініш» қағидатын қолданудың үлгісі болып табылады.
09.05.2018
Құттықтау!

Құрметті Алғалықтар!Сіздерді 9 мамыр – Ұлы Жеңіс күнімен құттықтаймын!Бұл күн бейбітшілік қалайтын адамзат баласының ортақ мерекесі. Миллиондаған жан құрбан болған Екінші дүние жүзілік соғыста ардагер аға-апаларымыз ерен ерліктің үлгісін көрсетіп, әлемге бейбітшілік дәнін септі. Отан үшін кеудесін оққа тосып, жанқиярлық танытқан аға буынның қажырлы еңбегі адамзат тарихында алтын әріптермен жазылды.
05.05.2018
Аудандағы сенбілік!

Алға қаласы және ауылдық округтер бойынша 6 мәрте сенбілік жұмыстары өткізіліп, оған жалпы саны 5655 адам қатысып, 43 техника тартылды.
03.05.2018
Бизнес бастау

Ағымдағы жылдың сәуір айының 16-нан бастап «Бастау Бизнес» бағдарламасы бойынша тегін оқыту курстарына қабылдау басталды. Курстар кәсіпкерлік негіздеріне оқыту 6 айға бөлінген. Жұмыссыздар (жұмыспен қамту орталығына тірккеуге тұру қажет етілмейді) мен өзін-өзі жұмыспен қамтығандарды, өз бизнесін ашқысы келетіндерді, сондай-ақ бизнесін кеңейткісі келетін кәсіпкерлерді оқуға шақырамыз. Бағдарламаға қатысу үшін тестілеуден өту керек.
01.05.2018
Бүгін 1 - мамыр

Қазақстан халықтарының бірлігі күніне орай «Ас-маркет» сауда үйі жанында «Ұлы достық отауы-ҚАЗАҚСТАН» атты мерекелік концерт, шеру, өзге ұлт өкілдерінің қолөнер бұйымдарынан көрме өтуде. Шара барысында аудан əкімі Нағымжан Алдияров құттықтау сөз сөйлеп, жылы лебіздерін білдірді.
01.05.2018
Құрметті Алғалықтар!

Сіздерді Қазақстан халқының бірлігі күні мерекесімен шын жүректен құттықтаймын! Бұл мереке барлық ұлт өкілдерінің ынтымақтастығы мен достығының, бейбіт өмірдің рәмізі, ал бейбітшілік пен тұрақтылық және ұлтаралық келісім мемлекетіміздің ең басты негізі, рухани байлығы болып табылады.
28.04.2018
Ақтөбе облысы, Алға ауданы бойынша ауыл шаруашылығы мақсатындағы жер учаскелеріне конкурс жариялау

2003 жылғы 20 маусымдағы №442-ІІ ҚР Жер кодексінің 48 бабына, ҚР Ұлттық экономика министрінің 2015 жылғы 31 наурыздағы №290 бұйрығын және ҚР Ұлттық экономика министрінің 2015 жылғы 25 желтоқсаандағы №792 бұйрығын басшылыққа ала отырып, ауыл шаруашылығы мақсатындағы жерлерін қайта айналымға қосу мақсатында Алға ауданы әкімдігі ауыл шаруашылығы мақсатына арналған жер учаскелерін жалға беруге конкурс жариялайды.
Конкурсқа ұсынылып отырған жер учаскелерінің сызбаларын, конкурстың ережесі, конкурсқа қатысу үшін өтінімі және жер учаскесінің жалға беру шарты үлгілерін Алға қаласы, 4 шағын аудан, 4 үй, Алға ауданының әкімдігінің ғимараты, «Алға аудандық жер қатынастары бөлімі» ММ-нен тікелей алуға болады. (байланыс телефоны:871337 4-10-37
11.04.2018
Электронды мемлекеттік қызметтер!

Енді «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға әлеуметтік қолдау шараларын көрсету» мемлекеттік қызметіне өтініштер ХҚКО арқылы қабылданатын болады. Осыған сәйкес, азаматтардан құжаттарды қабылдау және қызметті Азаматтарға арналған үкімет мемлекеттік корпорациясы арқылы көрсету бойынша аудандық экономика және бюджеттік жоспарлау бөлімінің бас маманы Г.Сундетова халыққа қызмет көрсету орталығының қызметкерлерімен оқыту семинарын өткізді.
10.04.2018
Мемлекеттік қызметтер көрсету!

Мемлекеттік қызметтерді көрсету сапасын жақсарту мақсатында, электрондық форматта қызметтердің санын ұлғайту, сонымен қатар қызметтерді алушылардың санын көбейту мақсатында Алға ауданы әкімдігі, "Халыққа қызмет көрсету орталығымен" бірлесіп, Алға аудандық қоғамдық денсаулық сақтау басқармасында электрондық цифрлық колтаңба алудың маңыздылығы туралы түсіндіру семинарын өткізді
30.03.2018
2018 жылғы 1 наурыздағы жағдай бойынша «БЖЗҚ» АҚ-тың маңызды көрсеткіштеріне шолу

Алматы, Қазақстан – 2018 жылғы 1 наурыздағы жағдай бойынша зейнетақы жинақтарының жалпы сомасы 7,88 трлн теңгені құрады. Сөйтіп, жыл басынан бері 101,3 млн теңгеге артты. Яғни, өсім 1,3 пайызды құрады.
2018 жылдың 1 наурызына қарай шарттардың барлық түрлері бойынша салымшылардың (алушылардың) жеке зейнетақы шоттарының (ЖЗШ) саны 10,1 млн бірлік, оның ішінде міндетті зейнетақы жарналары (МЗЖ) есебінен 9,61 млн бірлік болды. Міндетті кәсіптік зейнетақы жарналарын (МКЗЖ) есепке алу бойынша салымшылардың (алушылардың) ЖЗШ саны 447 мың бірлікті құрады.
30.03.2018
Өзіне-өзі қызмет көрсету терминалдары туралы

Алматы, Қазақстан - Бірыңғай жинақтаушы зейнетақы қоры өзінің барлық 18 өңірлік филиалында «Өзіне-өзі қызмет көрсету терминалы» жобасының өнеркәсіптік пайдалануға берілгендігін хабарлайды. Бұл жоба «БЖЗҚ» АҚ-тың Корпоративтік даму стратегиясы аясында жүзеге асырылды. Осы стратегияға сәйкес, Қор өзінің көрсететін қызметтерінің сапасын арттыра отырып, салымшыларға зейнетақы жинақтарын қалыптастыруға ұйымдық тұрғыдан көмек көрсетеді.
28.03.2018
5 сұрақ БЖЗҚ

Мен екі айдан кейін зейнеткерлікке шығамын. Биыл зейнетақы заңнамасына енгізілген өзгерістер туралы естідім. Осы туралы толығырақ білгім келеді. Мен зейнетақыны қалай аламын?
2018 жылдың 1 қаңтарынан бастап Бірыңғай жинақтаушы зейнетақы қорынан міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен құралған зейнетақы төлемдері тек ай сайын жүзеге асырылып жатыр.
Бұл ретте зейнетақы төлемдерін алушы алғаш рет өтініш берген күні, оның шотындағы жинақтардың сомасы ең төмен зейнетақының 12 еселенген мөлшерінен аспаса, бұл сома алушыға бір рет толығымен төленеді. Биыл ең төмен зейнетақының мөлшері: 33 745 теңге. Сәйкесінше оның 12 еселенген мөлшері: 404 940 теңге.
16.03.2018
Хабарландыру!

Құрметті Алға қаласының тұрғындары!  16.04.2018 жылы сағат 16-00де Алға аудандық әкімдігінің акт залында
09.03.2018
Жүргізуші куәлігін онлайн тәртіпте ауыстыруға болады

Енді қазақстандықтар жүргізуші куәлігін электрондық үкімет порталында ауыстыра алады. Бұл қызмет Астана, Алматы қалалары мен облыс орталықтарының тұрғындарына ұсынылады.

Беттер