Тұрғын-үй көмегі

«Тұрғын үй көмегін тағайындау» мемлекеттік көрсетілетін қызмет бойынша.
Тұрғын үй көмегі дегеніміз не?
Тұрғын үй көмегі - халықты әлеуметтік қорғау нысанының бір түрі. Коммуналдық қызметтерді тұтынғаны үшін, тұрғындарының коммуналдық шығындарын өтеу үшін берілетін көмек. Тұрғын үй көмегі жергілікті бюджет қаражаты есебінен Алға ауданында тұрақты тұратын аз қамтылған отбасыларға беріледі. Белгіленген нормалар шегіндегі шекті жол берілетін шығыстар үлесі отбасының жиынтық табысының 7 пайызы мөлшерінде белгіленді. Тұрғын үй көмегін тағайындауды және төлеуді аудандық жұмыспен қамту және әлеуметтік бағдарламалар бөлімі жүзеге асырады.
Өтініштерді қабылдау және мемлекеттік қызмет көрсету нәтижелерін беру:
1) "Азаматтарға арналған үкімет" мемлекеттік корпорациясы" коммерциялық емес акционерлік қоғамы (Мемлекеттік корпорация);
2) "электрондық үкіметтің" www.egov.kz веб-порталы арқылы жүзеге асырылады.
Қажетті құжаттардың тізбесі.
1) Мемлекеттік корпорацияға:
осы мемлекеттік көрсетілетін қызмет стандартына 1-қосымшаға сәйкес нысан бойынша өтініш;
өтініш берушінің жеке басын куәландыратын құжат (көрсетілетін қызметті алушының жеке басын сәйкестендіру үшін түпнұсқасы ұсынылады);
отбасының кірісін растайтын құжаттар (тиісті мемлекеттік ақпараттық жүйелерден алынған мәліметтерді қоспағанда);
жұмыс орнынан немесе жұмыссыз адам ретінде тіркелуі туралы анықтама (тиісті мемлекеттік ақпараттық жүйелерден алынған мәліметтерді қоспағанда);
балаларға және асырауындағы басқа да адамдарға алименттер туралы мәліметтер;
банктік шоты;
тұрғын үйді (тұрғын ғимаратты) күтіп-ұстауға арналған ай сайынғы жарналардың мөлшері туралы шоттар;
коммуналдық қызметтерді тұтынуға арналған шоттар;
телекоммуникация қызметтері үшін түбіртек-шот немесе байланыс қызметтерін көрсетуге арналған шарттың көшірмесі;
жеке тұрғын үй қорынан жергілікті атқарушы орган жалдаған тұрғын үйді пайдаланғаны үшін жергілікті атқарушы орган берген жалдау ақысының мөлшері туралы шот.
Көмек тағайындау туралы өтініш берген кезде Сіз:
Тұрғын үй көмегін алу тәртібі туралы толық ақпарат алуға құқылысыз. Мемлекеттік қызметті көрсету нәтижесі – тұрғын үй көмегін тағайындау туралы хабарлама немесе мемлекеттік кызметті көрсетуден бас тарту туралы дәлелді жауап беріледі.
Мемлекеттік қызмет және басқада туындаған мәселелер бойынша толық ақпаратты аудандық жұмыспен қамту және әлеуметтік бағдарламалар бөлімнің 41206 сенім телефоны арқылы алуға болады.
Біздің мекен-жайымыз: Алға қ., С Сейфуллин к-сі 17 үй, 3 кабинет.