Әлеуметтік-еңбек қатынастарын реттейтін үшжақты келісім

Әлеуметтік – еңбек қатынастарын реттейтін үшжақты келісім.
2017 жылдың 23 маусымында аудандық әкімдігінде әлеуметтік әріптестік пен әлеуметтік еңбек қатынастарын реттеу бойынша аудандық үшжақты комиссия отырысы өтті.
Аудандық үшжақты комиссия отырысында күн тәртібі бойынша келесі ақпараттар тындалды:
1. «Алға Жылу» КМК мекемесіндегі қауіпсіз еңбек жағдайын және еңбекақыларын уақытылы төленуін қамтамасыз ету бойынша атқарылып жатырған жұмыстар туралы мекеме басшысы М.Туриннің ақпараты.
2. Бизнестің әлеуметтік жауапкершілігі жөніндегі республикалық «Парыз» конкурсына талапкерлер ұсыну туралы аудандық жұмыспен қамту және әлеуметтік бағдарламалар бөлімінің басшысы Ж.Өмірзақтың ақпараты.
3. Халыққа кепілді мемлекеттік қызмет көрсету және аудандық денсаулық сақтау
бөлімінің жұмысы туралы аудандық аурухананың бас дәрігері М.Капашевтың ақпараты тындалды.
Күн тәртібіндегі мәселелер бойынша әлеуметтік әріптестік пен әлеуметтік және еңбек қатынастарын реттеу жөніндегі аудандық ұшжақты комиссия ұсынған ақпаратты тыңдап және талқылап ҚАУЛЫ ЕТТІ:
1. «Алға Жылу» мекемесі алдағы уақытта да жұмысшыларының еңбекақыларын уақытылы төлеп отыруды қамтамасыз етсін. Жұмысшылар арасында еңбек даулаының туындауына жол бермеу міндеттелсін.
2. Бизнестің әлеуметтік жауапкершілігі жөніндегі республикалық «Парыз» конкурсына қатысу үшін «Жансая», «Ақжол» және «Құлагер» шаруа қожалықтары келісімімен ұсынылсын.
3. Халыққа кепілді мемлекеттік қызмет көрсету бойынша аудандық денсаулық сақтау бөлімінің жұмысы қанағаттанарлық деп танылсын, алдағы уақытта балалар өлімі көрсеткішін азайту жолында жұмыстарын жандандыру міндеттелсін.